မိုးကုတ်ဆရာတော်ဘုရား၏တရားတော်များ

သုံးဆယ့်တစ်ဘုံထဲ အသေလွတ်တဲ့နေရာမရှိပါ...
သုံးဆယ့်တစ်ဘုံထဲမှာဖြင့် အသေလွတ်ရှာလို့တွေ့ကြမှာ မဟုတ်ပါဘူးဆိုတဲ့ဥစ္စာ သေသေချာချာ မှတ်ထားပါနော် …. (မှန်ပါ့ဘုရား)၊ သုံးဆယ့်တစ်ဘုံထဲအသေလွတ်တဲ့ နေရာရှိပါ့မလား …. (မရှိပါဘုရား)။ သုံးဆယ့်တစ်ဘုံထဲ အသေလွတ်တဲ့နေရာ . . . . (မရှိပါဘုရား)။သုံးဆယ့် တစ်ဘုံထဲ အသေလွတ်တဲ့နေရာ . . . .(မရှိပါဘုရား)။


မရှိရာ ရှာလို့မရတာ

ရှာနေတဲ့ ပုဂ္ဂိုလ်ဟာဖြင့် မရှိရာ ရှာသောကြောင့် မရမှာက သေချာတယ် …. (မှန်လှပါဘုရား)၊ မရှိရာရှာသောကြောင့် …. (မရမှာက သေချာပါတယ်ဘုရား)။

အဲဒီ မျက်စိလည်ပြီးသကာလ နေပြီဆိုမှဖြင့်လည်း ဘုံးဆယ့်တစ်ဘုံထဲမှာဖြင့် နတ်ပြည်ကောင်းနိုးနိုး၊ ဗြဟ္မာပြည် ကောင်းနိုးနိုး၊ စကြ၀တေး မန္ဓာတ်ဖြစ်ရလို့ လူ့ပြည်လာပြီး နေရလို့ရှိရင် ကောင်းနိုးနိုးဆိုပြီး သကာလ ဒီလိုရှာကြမယ် ဆိုလို့ရှိရင်ဖြင့် အသေလွတ်ရာရှာကြငြားသော်လည်း သေရာသာတွေ့မယ်ဆိုတာ မှတ်ကြစမ်းပါ …. (မှန်ပါ့ဘုရား)။

အသေလွတ်ရာ ရှာကြငြားသော်လည်း (သေရာသာတွေ့ပါမယ်)၊ သေရာသာ တွေ့မယ်ဆိုတာဖြင့် ငြင်းဆန်းဖို့ လိုသေးသလား…. (မလိုပါဘုရား)။



ခန္ဓာအလုပ်က သေရာသွားတဲ့အလုပ်

ဒါ့ကြောင့် ဒကာ ဒကာမတို့ သတိပေးရတယ်၊ ဒီခန္ဓာကိုယ်ကြီးသည်ကားလို့ ဆိုလို့ရှိရင်ဖြင့် ဒီခန္ဓာမှတစ်ပါး ဘယ်ခန္ဓာပဲရရ၊ သူ့အလုပ်က သေရာသွားတဲ့အလုပ်…. (မှန်ပါ့ဘုရား)၊ ခန္ဓာအလုပ်က ဘာပါလိမ့် (သေရာသွားတဲ့အလုပ်ပါဘုရား)၊ ခန္ဓာ့အလုပ်ကဖြင့် သေရာသွားတဲ့အလုပ်ကိုသာ သူအလုပ်လုပ်ပြတာ အမြဲတမ်းအလုပ်နော် …. (မှန်ပါ့)။

အဲဒီတော့ ဘုန်းကြီးများက သတိပေးရတယ်၊ ဒကာ ဒကာမတို့၊ ခင်ဗျားတို့ ဥစ္စာကလည်း သုံးဆယ့်တစ်ဘုံထဲမှာဖြင့် မသေရာရှာလို့ ရှိရင်ဖြင့် မရှိပါဘူးဆိုတာ ခင်ဗျားတို့ကလည်း သစ္စဉာဏ်မပိုင်တော့ မသိဘူးပေါ့ ဦးခင်မောင်ကြီးရာ…. (မှန်ပါ့ဘုရား)။

သစ္စဉာဏ်တွေ ပြန်စဉ်စားလိုက်တဲ့အခါကျတော့ အဇာတိ-ဇာတိမရှိတဲ့နေရာမှာလည်း ပဋိသန္ဓေမနေတဲ့ နေရာမှလည်း ဦးခင်မောင် မသေမှာပေါ့ဗျာ (မှန်လှပါဘုရား)၊ ဦးဝ-ဘယ်နေရာမှာ ပါလိမ့်-(ပဋိသေန္ဓေမနေတဲ့နေရာမှာပါဘုရား)၊ ပဋိသန္ဓေမနေရတဲ့နေရာဖြင့် မသေရတော့ဘူး ဒကာ ဒကာမတို့- (မှန်ပေါ့)။
ပဋိသန္ဓေမဖြစ်ရင်၊ မသေဘူး
ပဋိသန္ဓေမနေရတဲ့နေရာမှာဖြင့် ဒကာသစ်တို့ (မသေရပါဘုရား)၊ ပဋိသန္ဓေမှ မဖြစ်လို့ရှိရင် အိုစရာကော ဖြစ်ပါဦးမလား ….. (မဖြစ်ပါဘုရား)၊ နာစရာကော ….. (မဖြစ်ပါဘုရား)၊ သေစရာကော…..(မဖြစ်ပါဘုရား)။

ဩော်….ဒါဖြင့် ခင်ဗျားတို့သည်ကားလို့ ဆိုလို့ဆိုရှိရင်ဖြင့် ယုန်ရှာ ရှာနေတဲ့ အဓိပ္ပာယ်မျိုးတော့ မကောင်းပါဘူး….(မှန်ပေါ့)၊ တောထဲက ယုန်ကလေးသည်ကားလို့ ဆိုရင်ဖြင့် နေ့လယ်ကျလို့ရှိရင် ချုံထဲမှာသာ အောင်းနေရတယ်၊ သူက ဘယ်သတ္တ၀ါလာလာ ကြောက်ရမည့် သတ္တ၀ါ ကလေးဖြစ်နေတော့ ဦးခင်မောင်ရေ …. ဒီနေရာ ဒီချုံပုတ် ကလေးထဲမှာပဲ ကျင်ကြီးစွန့်ရ တယ်နော်….(မှန်ပါ့)။ ဒီနေရာမှာပဲ ကျင်ငယ်စွန့်ရတယ်ဆိုတော့၊ သြော်…. ဒီမြေပေါ်မှာဖြင့် ကြောက်ရတာများလှချည်ရဲ့  ဆိုပြီးသကာလ ခုန်လိုက်ပါတယ်။

ခုန်ပေမယ့်လည်း ဒကာ ဒကာမတို့၊ ယုန်ခုန်တာက တစ်ထောင် နှစ်ထောင် မြင့်တော့မပေါ့ ဦးခင်မောင်ရေ (မှန်ပါ့ဘုရား)။ နောက် ဘယ်ပြန်ကျမယ်ထင်သလဲ ….. (မြေကြီးပေါ်ပြန်ကျမှာပါဘုရား)၊ မြေကြီးပေါ် ပြန်ကျမယ်ဆိုတာ မသေချာဘူးလား… (သေချာပါတယ်ဘုရား)။



ဒီဘုံမကောင်းလို့ ဟိုဘုံပြောင်း

ဒီမှာလည်း ခင်ဗျားတို့၊ ဒီဘုံမကောင်းလို့ ဟိုဘုံပြောင်းလို့ရှိရင်လည်း ဟိုသင်္ချိုင်းကျမှာပါပဲ (မှန်ပါ့ဘုရား)၊ ဒီသင်္ချိုင်း မသေချင်ပါဘူးဆိုတာနဲ့ ဘာထူးသေးသတုံး…. (မထူးပါဘုရား)၊ ယုန်သည် မြေပေါ်မှာမုန်း၍ မြေကိုခုန်ငြားသော်လည်း ခုန်ရာရောက်ပါရဲ့ လား ….. (မရောက်ပါ)၊ မြေပေါ်မှာပဲ ပြန်မကျဘူးလား ….. (ကျပါတယ်ဘုရား)။

ဒီမှာလည်း ဒကာ ဒကာမတို့၊ သစ္စာမသိဘဲနဲ့ သုံးဆယ့်တစ်ဘုံထဲ အသေလွတ်ရာ ရှာနေကြမယ်ဆိုလို့ရှိရင်ဖြင့် အသေပဲပြန်တွေ့ကြမယ် ….. (မှန်ပါ့)။

ကဲ….ဘာပဲတွေ့ကြမလဲ …. (အသေပဲ တွေ့ကြပါမယ်ဘုရား)၊ သြော်…အသေလွတ်ရာ ရှာကြငြားသော်လည်း ဘုန်းကြီးတို့ ဒကာ ဒကာမတွေ ဘာပဲတွေ့နေကြပါလိမ့် (အသေပဲ တွေ့နေကြ ပါတယ်ဘုရား)။



ဆရာကောင်းနဲ့ကြုံတုန်း အသေလွတ်ရာရှာ

အသေပဲ တွေ့နေလို့ရှိရင်ဖြင့် ဒကာ ဒကာမတို့ ဘုရားပွင့်တုန်း အခုလို ဆရာကောင်း၊ သမားကောင်းတွေနဲ့ ကြုံတုန်း ဆုံတုန်း အသေလွတ်ရာ ပြနေတဲ့အချိန်မှာဖြင့် အရေးတကြီး ငါတို့ သိမ်းပိုက်ပြီး အရယူမယ်ဆိုတဲ့စိတ် မွေးဖြစ်အောင်မွေးကြပါဆိုတာ ပြောရတယ်နော်…. (မှန်လှပါဘုရား)။

ဒါမှ မမွေးလို့ရှိရင်လည်း ခင်ဗျားတို့ မဂ်ညာဏ်ဖိုလ်ညာဏ်မရနိုင်ဘူးဆိုတဲ့ ဥစ္စာလည်း သိကြပြီ မဟုတ်လား…. (မှန်ပါ့ဘုရား)၊ မဂ်ညာဏ်ဖိုလ်ညာဏ်မှ မရကြလို့ရှိရင်လည်း မသေရာ မြင်ကြပါ့မလား …. (မမြင်ပါဘုရား)၊ မမြင်လို့ရှိရင်လည်း သွားတတ်ပါ့မလား …. (မသွားတတ်ပါဘုရား)။

မသွားတတ်လို့ရှိရင်ဖြင့် သုံးဆယ့်တစ်ဘုံထဲ လိုက်ရှာတော့ သင်္ချိုင်းပဲ ပြန်ရောက်မှာပဲ …. (မှန်ပါ့ဘုရား)၊ သုံးဆယ့်တစ်ဘုံထဲသာ ရှာကြမယ်ဆိုရင် ဘာသာရကြမလဲ….. (သင်္ချိုင်းသာရ ပါမယ်ဘုရား)၊ ဒါဖြင့် ဒကာ ဒကာမတို့၊ သင်္ချိုင်းရတဲ့အလုပ်ကို ရှောင်ပြီးသကာလ ဇာတိမရှိတဲ့ အရပ်၊ ဇရာမရှိတဲ့အရပ်၊ ဗျာဓိမရှိတဲ့အရပ်၊ မရဏမရှိတဲ့အရပ်ကိုသာ ကျုပ်တို့မဂ္ဂင်ရှစ်ပါး လမ်းမတော်ကြီးနဲ့ မဂ္ဂင်ငါးပါး လမ်းမြေုာင်ကလေး၊ မဂ္ဂင်ရှစ်ပါး လမ်းမတော်ကြီးကို ကျုပ်တို့လိုက်ရလို့ ရှိရင်ဖြင့်၊ မသေရာအမှန် ပြည်နိဗ္ဗာန်သို့ ဧကန်ရောက်ပါတယ် (မှန်ပါ့ဘုရား)၊ သို့သော် မဂ္ဂင်ငါးပါးဆိုတဲ့ လမ်းမြှောင်ကလေးမှ လမ်းမကြီးပေါ်ရောက်အောင် ဆွယ်ပြီးသကာလ မတက်လို့ရှိရင်လည်း လမ်းမတော်ပေါ်ရောက်နိုင် ပါ့မလား….(မရောက်ပါဘုရား)။

လမ်းမတော်ပေါ်မှ မရောက်နိုင်လို့ ရှိရင်လည်း မသေရာမှန်မြတ်နိဗ္ဗာန်ဆိုတဲ့ နေရာဌာနကြီး ဟာလည်း လမ်းမတော်ပေါ် ရောက်မှသာလျှင် မြင်ရ၊ ကြုံရ၊ တွေ့ရ၊ ရောက်ရဆိုသလို ဖြစ်ပြီး သကာလနေတော့ ဒကာ ဒကာမတို့ လမ်းမြှောင်ကလေးလိုက်ပြီး လမ်းမတော်ပေါ်ရောက် အောင်လျှောက်ပါ…. (မှန်ပါ့)။

သူတော်ကောင်းဆည်းကပ်ပါ

လမ်းမတော်ပေါ် လျှောက်ပြီးမှ မြို့ တော်အဆိုက်သွားကြပါဆိုတဲ့ ဥစ္စာကိုလည်း ဆရာသမားများက ပြနေတယ်ဆိုတာကိုလည်း သဘောကျကြပါပြီ….(မှန်ပါ့ဘုရား)။

ဒါကြောင့် အဲဒီလမ်းကို ရောက်ချင်ကြတယ်၊ ရချင်ကြတယ်ဆိုလို့ရှိရင်လည်း ကိုယ့်မျက်လုံး ကတော့ဖြင့် မတတ်နိုင်ပါဘူး။ သူတော်ကောင်းဆည်းကပ်မှ ရတော့မှာပဲ ….. (မှန်ပါ့ဘုရား)၊ သူတော်ကောင်း မဆည်းကပ်ရင်ဖြင့် (မရပါဘုရား)။

သူတော်ကောင်း ဆည်းကပ်ပြီး သူတော်ကောင်းလုပ်နေငြားသော်လည်း သူတော်ကောင်း ပြောတဲ့တရားမနာပြန်လို့ရှိရင်လည်း ဒီ… လမ်းမတော်ကြီး တက်နိုင်ကြပါ့မလား…. (မတက်နိုင်ပါဘုရား)။

လွန်စွာအားထုတ်ရမယ်

အဲဒါကြောင့် သူတော်ဆည်းကပ်၊ မြတ်တရားနာဆိုတာမလိုလားဗျာ … (လိုပါတယ်ဘုရား)၊ တရားနာရုံကလေးနဲ့လည်း မပြီးသေးဘူးတဲ့ ဒကာ ဒကာမတို့၊ ဓမ္မာနု ဓမ္မပဋိပတ္တိအလုပ်ကို မလုပ်ပြန်လို့ရှိရင်လည်း၊ ခန္ဓာဥာဏ်မစိုက်လို့ရှိရင်လည်း ခန္ဓာ့ကိစ္စမသိသောကြောင့် ခန္ဓာလွတ်ငြိမ်းတဲ့ နိဗ္ဗာန်ကို သွားချင်တဲ့စိတ်ပေါ်မှာ မဟုတ်တဲ့အတွက် …..တဲ့၊ ခန္ဓာကြည့်တဲ့ အလုပ်ကိုလည်း လွန်စွာအားထုတ်တဲ့ …. (မှန်ပါ့)၊ အားထုတ်ရလိမ့်မယ်နော်…. (မှန်ပါ့ဘုရား)။

ဒါကြောင့် သူတော်ဆည်းကပ်၊ မြတ်တရားနာ၊ လွန်စွာအားထုတ်၊ ဘယ်အပေါ် အားထုတ်ရမှာတုံးလို့ မေးစရာရှိနေမှာစိုးလို့ မာဂဏ္ဍီပုဏ္ဏာကြီးအား ဘုရားရှင်ဟောလိုက်တယ်၊ နာမ်နဲ့ ရုပ်ကို….တဲ့။

ကိုယ့်ဥာဏ်ထဲမှာ ဖြစ်ချုပ်မြင်ရဦးမယ်

နာမ်နဲ့ရုပ်ကို ဘယ်လိုရှုရမှာတုံးဆိုတော့ အို…. နာမ်ကို နာမ်လို့ သိနေရုံနဲ့ မပြီးသေးဘူး၊ ရုပ်ကိုရုပ်လို့သိနေရုံနဲ့ မပြီးသေးဘူး၊ ဖြစ်ချုပ်ညာဏ်မြင်၊ ကိုယ့်ညာဏ်ထဲမှာ ဖြစ်ချုပ်ကိုလည်း မြင်ရဦးမယ် …. (မှန်ပါ့ဘုရား)၊ သဘောကျပလား…. (ကျပါပြီဘုရား)။

ဤငါးအင်မှန်ပင် မဂ်ရကြောင်းဆိုတဲ့ဥစ္စာ ဒကာ ဒကာမတွေ ဒါကို မှတ်မိကြပြီနော် …. (မှန်ပါ့ဘုရား)။

“(၁) သူတော်ဆည်းကပ်၊ (၂) မြတ်တရားနာ၊ (၃) လွန်စွာအားထုတ်၊ (၄) နာမ်နဲ့ရုပ်ကို၊

(၅) ဖြစ်ချုပ်ဥာဏ်မြင်၊ ဤငါးအင်၊ မှန်ပင် မဂ်ရကြောင်း…”

သဘောကျပလား …. (ကျပါပြီဘုရား)၊ ကဲ…သုံးခေါက်လိုက်ပါဦး…(သုံးခေါက်ချပေးသည်)၊ ကဲ-သုံးခေါက်လောက် ဆိုကြည့်ကြစမ်း အားလုံး … (သုံးခေါက်ဆိုကြသည်)။

အို…ဒီလို သုံးလေးရက် ဒကာ ဒကာမတွေ ကျေပွန်သွားလို့ရှိရင်ဖြင့် အလုပ်စဉ်ကြီး သိသွားတဲ့အတွက် အင်မတန်မှ ၀မ်းမြောက်စရာကောင်းတယ်နော် …. (မှန်ပါ့ဘုရား)။
(မြန်မာမိသားစုဖိုရမ်မှကူးယူဖော်ပြသည်။)